Baboloki ba lichelete ba Lesotho ba nkile tsela e ntle

Conference Banner

Bookameli oa mokhatlo oa baboloki ba lichelete ba Lesotho (LIA), o nkile tsela e ntle haholo malebana le ho fetola Lesotho naha ea bohlokoa litabeng tsa machaba tsa puso e ntle, tlhopho ea moruo le litabeng tsa khoebo le khoebisano.

Mohlomphehi Mohlophisi e Moholo o re seboka sa matsatsi a mararo se tlang ho simolla ka Laboraro la beke ena, se tlisang sebui sa machaba litabeng tsa puso e ntle, khoebo le khoebisano, khaho ea moruo o tlokomang Prof PLO Lumumba, se se se behile Lesotho ’mapeng oa machaba, se saletseng ke hore Basotho ba nke monyetla oa liboka tsena tsa LIA.

Ngoahola, seboka sa LIA se ile sa tlisa mookameli oa mehleng oa banka e kholo ea Afrika Boroa, ea seng a kokometse sa maratsoana lekaleng la lichelete la Afrika Boroa, Tito Mboweni, ea e-ba seboka sa bohlokoa se ileng sa phahamisetsa Lesotho holimo Macha beng. Monghali Thabo Mbeki le eena o se a kile a bua sebokeng seo.

Tloaelo ea Lesotho, ho tla fihla joale, ke hore liofisiri tsa naha ena tsa ’muso li kene maetong a boima ka lichelete tsa sechaba, li ea libokeng tsa mofuta ona, linaheng tse ling.LIA e thusitse hore bohle ba be le monyetla oa ho li kenela.

Lekholokoe le re ho feta mona, liboka tsena li tlisetsa lefapha la boeti le bohahlaoli molemo o moholo oa baeti ba tsoang kantle, ba tlang ba pokothetse liponto le litolara.

Etela http://www.lia.org.ls/ ho tseba ha holoanyane ka bona. RK