PAC e laela lekala la Lichelete ho hlahisa mabitso a le laetseng, ho hira likoloi tsa maparamente.

img_20161002_163604.jpg
PAC leader, Hon. Selibe Mochoboroane, MP

MASERU — Komiti e lisitseng tšebeliso ea lichelete tsa sechaba, PAC, e re e laetse Lekala la Lichelete ho fana ka ba le laetseng hore le hire likoloi tsa maparamente, e seng tsa bana ba Basotho,’me chelete e li lefang e bitsoa Se-oa-holimo. 

Komiti e boetse ea le laela hore le tle le mabitso a ba le laetseng hore le rekele batho ba thusitseng ’muso o litulong ho busa, ka mor’a ho sebetsa ka matla ho liha oa Khokanyan’aphiri,’me chelete ea tšebetso ena ke Se-tla-bocha.

Bamameli ba Nyakafatane ka Lapele lena ba bile ba k’huoeletsa taba ea bo-sieo ba Television ea naha nakong ea tšebetso eo e tonetsoeng mahlo ke Basotho, ba re ke eng e patoang.