Moqhobi o bolaeloa ka koloing ea lephele ke batho ba sa tsejoeng

580x435_APX1.jpg

LERIBE — Monna oa Kolonyama Ha-’Nena, Leribe, o tlalehoa a thunyelitsoe ka koloing ea lephele, ke batho ba sa tsejoeng, ’me o fumanoe a timeletse ka ho eona motseng oa Ha-Manama, mesong ea Moqebelo o fetileng.

Monghali Limema Phohlo o re moqhobi o fumanoe a le ka har’a lekoaliba la mali, koloi ebile e bonahala hore e ile ea suthumeletsoa ka khohloaneng ea motse,’me baetsi ba ketso eo ba ne ba e siile moo.

O re koloi e ile ea tlosoa sebakeng seo ke sepolesa sa Ha-Tlalinyane, mofu a isoa polokelong ea bafu,’me lipatlisiso li ntse li tsoelapele.