Masholu a utsoa phofo ea papa ea bana ba sekolo sa Seotsa, Mokhotlong.

1813a40b6121413a8505e41f23b98386.jpg

MOKHOTLONG — Molula-setulo oa boto sekolong sa mathomo sa Seotsa, Mokhotlong, o re setoro sa polokelo ea lijo tsa barutoana, se qhekelitsoe ke linokoane bosiung bo selang Lapele la beke.

’Malerato Sekonyela o re masholu a khaotse linotlolo tsa lemati, a ikhapela mekotla e mehlano ea phoofo ea papa,ea boima ba likilokerama tse mashome a mabeli a metso e mehlano.

Sekonyela o re lijo tsena li fihlile ka Labohlano,’me o re ke lekhetlo la bone ba senyetsoa, empa ho fihlela le holimo lena, ha ho le ea mong ea tšoeroeng.

O re o tlalehetse sepolesa le mafapha ao a neng a nahana hore a ka thusetsa, empa ha ho nko ho tsoa lemina, ’me o re liketso tsena li ama phepo ea bana kaha ba felloa ke lijo pele ho nako.