Lethete le fumanoa ka phaposing ea ho rutela, Kolo, Mafeteng

toilet-paper-rolls-500x500.jpg

MAFETENG — Mok’hanselara oa tikoloho ea Kolo Mafeteng, o re moahi oa Ha-Rou, o cheletsoe ke ntlo ea polata, le tsohle tse neng li le ka moo,ka Moqebelo oa beke e fetileng.

Monghali Motseki Ratefane o re sena se latela hore mong’a ntlo, a siee a phehile poraemeng, a potela ha moahisane, a mpa a bona mosi o se o tsoa ka monyako, ha a tla hlaba mokhosi, sechaba sa phalla, sa hloloa ho pholosa thepa eohle.

Ho sa le joalo, monghali Ratefane o re sekolong sa mathomo sa mofumahali oa Fatima se Kolo Ha-Mofo, ho fumanoe lethete ho e ’ngoe ea liphaposi tsa ho rutela, le neng le bile le tlotsitse litulo, ka Labohlano le fetileng.

O re ho feta moo, le leng le ne le bile le tlatsitsoe botlolo, ho bile ho jalantsoe libuka fatše, tse neng li bolokiloe ka har’a lok’hara ka phaposing eo.