Bokamoso ba basebetsi ba Shining Century bo lerotho

Mohiri femeng ea Shining Century, e khaoletsoeng motlakase ke LEC, ka lebaka la sekoloto sa eona sa chelete e kaholimo ho million ea Maloti,o hana ho lefa basebetsi ba feme eo meputso ea bona e feletseng,’me bokamoso ba bona bo lerotho hobane mosebetsi o kanna oa fela.

Motlatsi oa mongoli e moholo mokhatlong oa NACTWU,Tšepang Makakole, o re mohiri o re o tla ba lefa feela meputso ea bona ea ho fihlela letsatsi leo motlakase o khaohileng ka lona, e seng hore a ba lokisetse tsohle tsa bona hore ba arohane le feme, ba tle ba tsebe ho hiroa bocha ha litaba tsa teng li lokile