Bokakalope ba mebuso ea Lesotho bo senoloa lefung la Dr Mokete

getimage

MASERU — Nonkosi Tlale ea sebelitseng le Dr ‘Musi Mokete, tekong ea khaho ea sekolo sa lesotho sa bongaka, o phetile pale e bohloko ea ka moo Dr ‘Musi Mokete a lekileng ka matla, ho tloha Ka 1974 ho theha sekolo seo, empa a ntse a thulana le mathata.

Tsena, o li buile ts’ebeletsong ea sehopotso sa Dr MOKETE, holong ea ‘Manthabiseng ka Labone lena.

O itse ka selemo se seng, lekhotla la maparamente a MaAfrika, Amerika le ile la ts’episa ho thusa ho thehoeng ha sekolo seo, ha feela a Ka fua litulo tse peli lekhotlleng la tsamaiso ea sona, empa taba eo, ea fella feela.

Ha boela ha hlaha monyetla oa oa hore sekolo seo se qale, e le ha se tla tsehetsoa ke sa Zimbabwe.

O re baithuti ba neng ba se ba le lekhatheng la ho kena selemong sa bobeli ba lokela ho fallisetsoa Zimbabwe le Zambia Ka ha sekolo seo se Ile sa qhaloa.

Boemeli ba bana bao, ba seng ba le selemong sa ho qetela sa ho lithuto tsa bona, ba ile ba bala thothokiso e thoholetsang le ho tlotla Motaung eo ea tsoaletsoeng, TY, ‘malifatjana lilemong tse mashome a robeli a metso e mene tse fetileng.

Litaba tsa booki li phetiloe ke e mong oa bara bahae, Dr Thulo Mokete. Lethathamo la libui le ne le akha metsoalle, mekhatlo ea lehae lea machaba. Kereke e ne e le LECSA, ka Motsamaisi oa Seboka sa eona.

Masapo a Dr Mokete a tla ea bolokoa Kokobela Village Cemetery, Maseru West.

– SRK