Tlhokahalo ea lisebelisuoa e Kenya lingaka boipelaetsong

Dr.Joseph Mashale oa mokhatlo oa lingaka, o re lingaka li kene boipelaetsong, ka lebaka la tlhokahalo ea lisebelisuoa litsing tsa kokelo, meputso e nyotobetsang pelo, bohashana bo sa finyelleng ho bona ka nako le lihora tse sa tloaelehang tsa tšebetso.

O re Lekala la Bophelo le iphapanyelitse litletlebo tsa lingaka tsa nako e telele, empa ho e-na le hore le li sekehele tsebe, le nyaola baemeli ba tsona mokhatlong.

Leha ho le joalo, o re seo ba se hlokang e le lingaka, ke lipuisano le Lekala ho rala ’moho tsela ea šebetso, empa lea meneka.