Ngoanana o sokolisa ntata’e ka boits’oaro Ha Thetsane Lesia

Monna oa Mapotu Ha-Tang, Mafeteng, ea lulang Thetsane Ha-Lesia, Maseru, o re o sokolisoa ke morali oa hae ea lilemo li leshome le metso e mehlano ea seng a e-na le mokhoa oa ho nyamella lelapa, e re ha a khutla, a re o ne a ile metsoalleng ea hae.

Monghali Thapelo Tang, o re ho latela boemo boo morali Kananelo Tang a seng a le ho bona ba boitšoaro, o se a qakehile hobane, ha a fihla hae, e-ba o lula a koatile, a bile a sa sebetse mesebetsi ea katlung hantle.

O re ka lebaka leo,o kopa boeletsi ba momameli hore o lokela ho mo thusa joang ka ha eena a se a selebaletsoe,’me ha ha joale o ntse a nyametse. O motšo, o mokhutšoanyane, o motenya, o moriri o mokhutšoane.