Monna ea nang le bokooa o re oa koteloa fatofatong, Roma

Monna oa Roma Ha Napo Tsoinyane, Maseru, o re ha a lokela ho hiroa mosebetsing oa fato-fato, ho oa tsila-tsiloa ka mabaka ao a sa a tsebeng, hoba le ha a botsa mok’hanselara ka taba eo, ha a mo fe ntlha. 

Monghali Khauta Mochesane o re lebitso la hae le bile teng lethathamong la ba lokelang ho qala tšebetso, a ba a batla motho ea tla ea mo tšoara letsoho kaha eena a e-na le bokooa ba masapo, empa a sala le ho makala ha a fumana ka Labohlano le fetileng, hore lebitso la hae le se le ntšitsoe ka mabaka ao a sa a tsebeng.

Le ha ho le joalo, mok’hanselara monghali Thabo Malia, o itse Lehakoe la Litaba le mo fe monyetla oa ho bua le molli pele, ’me le tla lula le lebeletse karabo ea hae tabeng ena.