Basebeletsi ba Tsa Lehae kantle metseng, ba lla ka liofisiri tse ka liofising Qachaseneke.

 

download (2)

Basebeletsi ba sechaba lefapheng la Phano ea litokomane tsa Tlhaho lekaleng la Tsa Lehae, Qachaseneke, ba re ho bonahala liofisiri tse sebetsang le bona, li batla ho ba tima chelete ea bona ea ho sebetsa metseng.

Ea buisaneng le Lehakoe la Litaba lebitsong la ba bang, o re ba bua taba ena hobane e etsahala lekhetlo la bobeli, ’me ba na le lethathamo la mabitso a liofisiri le lipolokelo tsa tsona, ha basebetsi ba kantle metseng, ho sa thoe letho ka bona.

O re ho feta moo ba ile ba tlalehela ’musi oa setereke sa Qachaseneke, ea ba tšepisitseng ho ba sebeletsa ’moho le motlatsi oa letona lekaleng la Tsa Lehae.

Boemong bona ofisiri ea tlhahiso leseling, Ms. Hape Marumo, e re taba e teng, ke hore ke hona mosebetsi oa ba sebeletsang sechaba kantle o tlang ho qala, ’me chelete e boleloang ha e-so fanoe, ka baka leo, bao ba seke ba e-ba tsietsing ea hore ba tla koalloa ka ntlo.