Phala ea sepolesa e re ha ho e-so etsoe qeto bokamosong ba mapolesa a qosetsoang polao ea motho

Phala ea sepolesa e re mookameli oa sona ha a e-s’o etse qeto holim’a bokamoso ba mapolesa a mane a Mafeteng a qosoang ka polao ea sehloho ea e mong Teke Tlelase ka Mphalane ea 2016, ea neng a le litlamong hona Mafeteng moo.

Supt Mpiti Mopeli o re se ka etsahalang ke hore Compol a a lumelle ho tsoelapele ka mosebetsi ha a ntse a emetse nyeoe ea oona, feela a a khalemelle liketso tseo tsa oona. Ho seng joalo, o re mapolesa ao, a ka emela nyeoe a le kantle ho mosebetsi.

Le ha ho le joalo, Supt Mopeli o bolelletse Lehakoe la Litaba la MOAFRIKA hore ha a na tsebo malebana le hore na mapolesa ao: Sgt Masaballa, le lik’honsetabole tse tharo e leng Challa, Theko le Binyane a ntse a le mosebetsing kapa che.

Mapolesa ana, a qetelletse a qositsoe ka polao ea sehloho ea Teke Tlelase kamor’a hore lelapa la bo mofu le kope Adv. Zwelakhe Mda, KC oa Mafeteng, ho le thusa ka lipatlisiso tsa babolai ba mong ka bona, tse bitsoang Inquest, tse ileng tsa thusa Mochochisi e Moholo oa Lesotho ho ba qosa.

Hoba mapolesa ao a tšoaroe a be a qosoe lekhotleng la ’Maseterata oa Mafeteng mathoasong a beke ena, a ile a tjebeloa chankaneng ho ea emela nyeoe, a mpa a lokolloa ka beile ke Lekhotla le Phahameng la Lesotho ka letsatsi le hlahlamang leo.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.