Morena oa Naleli o lla ka botlokotsebe Motseng oo

Morena ’Mamatebele Raphuthing, o re botlokotsebe bo phahame haholo motseng oa hae, oa Naleli bo akhang lipolao tsa batho le bosholu, har’a tse ling.

O re a ka qoholla taba ea bashanyana ba babeli ba ileng ba beta e mong likhoeling tse tharo tse fetileng, ba ba ba tšoaroa, ea motho ea ileng a bolaeloa ka tekesing hona motseng oo, le tichere e neng e hirile moreneng, ea fumanoa e bolaetsoe mabitleng a Lepereng ha koloi ea eona e fumanoe haufi le Koari ea Ha-Tšosane, Maseru.