Monna o bolaea e mong, ngoana ke ferene-kulo, Mafeteng

Monna oa Malumeng, Ha-’Matheko Posholi, Mafeteng, o ile a timella tseleng e eang sepetleleng sa setereke seo, ka mor’a ho thunngoa ke motho ea sa tsejoeng, ha ngoana ea neng a le haufi le mofu, a bolailoe ke ferene-kulo, shoalaneng ea Labone lena.

Morena ’Matheko Posholi, o re o tlalehetsoe ke banna hore ha mofu, ho fihlile monna ea neng a apere kobo ea Letlama le leputsoa ea neng a roetse katiba ea thola-moea, a thunya eo ka makhetlo, a nto baleha. 

O re hore pele monna eo a hlokahala o ile a ba bolella hore ba potlakisetse ngoana ea anngoeng ke e ’ngoe ea likulo, sepetlele, ’me ha ho fihloa ho eena, ha fumanoa e se le maobane, ka baka leo, bafu ba se ba le babeli ba malapa a fapakaneng.