Kahlolo khahlanong le ACJ e tonetsoe mahlo ke machaba

Litsi tsa machaba tsa phatlalatso ea litaba tsa makhotla, li bonts’a thahasello e kholo kahlolong ea mafelong a khoeli ena, e tlang ho ba holim’a nyeoe ea ’Maseforo Mahase ACJ ea reng baahloli ba Lesotho ha ba na tokelo ea ho mamela nyeoe e khahlanong le eena, haholo ha e mo tobile e le motho.

Nyeoe eo, ke ileng ea hlahleloa ke eena ACJ a tseka hore baahloli Ts’eliso Monaphathi, Semapo Peete le Keketso Moahloli ba ikhule nyeoeng ea Monghali Lebohang Hlaele e reng lelekoe boahloling ba Lesotho,ka lebaka la bofokoli boo a nang le bona, ts’ebetsong ea hae.

Lipampiring tsa hae tsa nyeoe, o tlalehoa a itse baahloli bao, ke batho ba tlas’a taolo ea hae, ha ba na tokelo ea ho mo phenya mahafi. Ka mokhoa o joalo, o hlalosoa a supile likoli tsa e mong le e mong oa baahloli bao, tsee a reng, ka lebaka la tsona, ha a ts’epe hore ba tla hloka leeme nyeoeng eo, o belaela ho hore ba tla mo lihella tora.

Ka lebaka leo, o kopa hore nyeoe ea monghali Lebohang Hlaele, khahlanong le eena, e mameloe ke baahloli ba matsoa-ntle. Kahlolo nyeoeng ena, e tla baloa ka la mashome a mararo a khoeli e holimo. ACJ o thusitsoe ka bopaki ke Akhente e Kholo ea ’Muso oa Lesotho, Adv Haae Phoofolo, KC.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.