Sesole sa Lesotho se re ho na le lekhoekhoe kahar’a sona

Brigadier Ntlele Ntoi oa sesole sa Lesotho, o re bookameli ba mabotho a naha ena bo hlokometse hore ho na le linku tse lekhoekhoe ka har’a sesole sa naha ena, e leng se bakileng ho nyamela ha lithunya tse peli tsa mofuta oa Galil, matsohong a balebeli ba neng ba le Makoanyane, mesong e neng e sela Sontaha se fetileng.

A bua Probonong ea MOAFRIKA FM ka Labobeli lena, Brig Ntoi o bile a re balebeli ba babeli ba sesole ba neng ba le mosebetsing ka nako eo, bao libetsa li nyametseng matsohong a bona, ba se ba le polokelong ea sepolesa sa sesole sa Lesotho, moo ba ntseng ba thusana ka lipatlisiso.

Tlhaloso ea Brig Ntoi, e ile ea amoheloa ka liatla tse peli ke Basotho ba reng ba ne ba tšoenyehile haholo ke taba eo, ’me ba lumellana le eena hore ba ka thusang ka menyenyetsi e ka isang ho fumanoeng ha thepa eo, ba etse joalo.

Hona lenaneong leo, a ntse a bua lebitsong la bolaoli ba sesole sa Lesotho, Brigadier Ntoi o ile a re banna ba habo, ba ntse ba behile meeli e ka leboea la naha ena leihlo, haholo-holo kahar’a borena ba sehlooho ba Tsikoane, Peka le Kolbere.

O re ho bonahala molaetsa oa bona o eletsang sechaba sa metse ee ba sebetsang har’a meeli ea eona, o sa rothela litsebeng tsohle, e leng se ka ’nang sa baka likotsi kapa mafu a sa reroang, a batho ba se nang molato.

Mosia o re kotsi e kholo ho feta tsohle, e ka bakoa ke hore ha sera se ka bitoha, ’me ba lokela ho nkhisetsana mahafi le sona, kulo e fetele ho bao ba sa ameheng, ba mpang ba le sebakeng seo ka mabaka a bona a botho.

O re bolaoli ba banna ba meeling bo se bo lemositsoe hore bo sebeletse ho bopa likamano tse mofuthu le metse e potileng libaka tsee ba leng ho tsona, sechaba se tle se nolofalloe ke ho ba thusa ka menyenyetsi.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.