Seboka sa mokhatlo o buellang litokelo tsa batho ba tlokotsing

Mokhatlo o buellang litokelo tsa batho ba tlokotsing, o bile le seboka sa selemo moo se neng se hetla morao tšebetso ea oona bakeng sa mongoaha oa 2018, le ho fana ka litlaleho.

Molula-setulo oa mokhatlo, nkhono ’Mamokete Sebatane, o re har’a litaba tse tšohliloeng, ke tlhomathiso ea molao oa motheo oa mokhatlo, tlaleho ea lichelete le khetho ea komiti.

O re le ha ho le joalo, mokhatlo o sitoa ho fihlela toro ea oona ea ho sebeletsa sechaba se tlokotsing, ka baka la tlhokahalo ea lichelete hoba ha o na Bafani ba o tšehetsang.