Phoofolo ea mohlolo e ts’osa monna Maseru

Monna ea ahileng Tšenola Mosikong, Ha Moeketsi Mothobi, Maseru, o re o tšohile le ho makalla phoofolo ea mohlolo ee a sa e tsebeng, e bileng a neng a qala ho e bona, e ileng ea etela lapeng ha hae, mesong ea Labobeli lena.

Monghali Monakoe Taolana o re phoofolo eo e tšoeu ka ’mala, e fihlile e roesitsoe masiba a mahlano a noko hloohong, e tsamaea ka maoto a mararo, e bile e le bokhutšoanyane ba pela.

O re lintja tsa hae tse tharo li ile tsa e tšoara tsa e bolaea, tsa ba tsa e ja tsa e qeta tu, empa hang hoba li e leqetse, ha kena litali tse tharo katlung, li theoha le marulelong, tsa fihla li se ntse li etsa mokutu, ’me o re se mo makatsang le ho feta, ke hore ebe ha ba bua lia thola, e kare lia ba mamela.