Mapolesa a Mafeteng a qosoa ka polao ea sehloho ea Teke Tlelase

Mapolesa a mane a Mafeteng a fuoe beile ke Tšeliso Monaphathi J. oa lekhotla le Phahameng la Lesotho ka Labobeli lena, qosong ea polao ea sehloho ea Teke Tlelase.’Ona ke Sgt Masaballa le li-PC tse latelang: Theko, Challa le Binyane.

Ho tšoaroa le ho qosoa ha mapolesa ana, ho latela hore Adv Zwelakhe Mda, KC oa Mafeteng, a kopjoe ke lelapa la Tlelase ho le thusa ka lipatlisiso tse bitsoang Inquest, kamor’a hore sepolesa sa Mafeteng moo, se tsilatsile ha se lokela ho etsa inquest ea mong ka lona, ea shoetseng matsohong a ’ona ha Mphalane e ne hlola matsatsi a leshome le metso e mene, 2016.

Mapolesa ao a ile Lekhotleng le Phahameng ho ea kopa beile, a tsoha ka chankaneng, kamor’a ho rimantoa ke ’Maseterata oa Mafeteng ka Mantaha oa beke ena.

Ketsahalo ena, e thabisitse Adv Mda haholo, o re e tla thusa ho tsamaisa molaetsa oa khalemo ho mapolesa a iphetotseng linkoapo, mohlape-moipusi, a hatikelang litokelo tsa mantlha tsa babelaelloa ka lirifi, sa mokana a le ka holimo ho molao, ao e reng ha a lokela ho fuputsa linyeoe, e be a tokhotsa babelaelloa hoo ba bang ba beng ba shoele matsohong a ’ona joalo ka ha ho etsahetse ka Teke Tlelase.

O tsoelapele o re mapolesa ao, a qosoa e le batho, ka lebaka leo, ha a hloloa ke nyeoe, a tla fumana kotlo e a lokelang e le batho, ’me, ho tloha joale ho ea pele, a se a lokela ho itjara ka sohle se kenyelletsang ho lefa liakhente.

Ho feta moo, o re ha nako e fihla, mapolesa ana, a tla boela a araba nyeoe ea mats’eliso, a tlang ho batloa ke bang ka mofu. O re a tla batloa ho ’ona le ho ’muso oa Lesotho.

Inquest ena ke ea pele Lesotho mona, e entsoeng ke ’muelli ea ikemetseng, ’me e butse khea e seng e ka sebelisoa ke bang ka bafu bao mapolesa a hanang ho sebetsa mafu a bona, hobane a nkha letsuka.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.