Lepolesa le koasa ka nomoro-polata ea lephele, Maseru

Monna oa Motimposo Ha-Majara Theko, Maseru, o re lepolesa la Pitso Ground, le koasitse ka nomoro-polata ea lephele lee a le qhobang, ka hore le e chomole, ka Laboraro la beke ena.

Monghali Tšoloane Motsamai, o re sena se latela hore lepolesa le chahise koloi ea hae ka lehlakoreng la moqhobi, le ne le leka ho seha tsebe, ka mor’a moo la ema sebakeng sa ketsahalo.

O re ka mor’a metsotso e seng mekae, lepolesa le ile la theoha koloi ea lona, la ntša nomoro-polata ea koloi ea hae, la mo laela ho le sala morao ho ea sepoleseng, a mpa a hana, la tsamaea, la mo latela mapolesa a mang, a ileng a mo qobella ho tsamaea le oona.

O re o ile a balehela mapoleseng a neng a le Lake Side, a ileng a mo khothaletsa ho ea ho a Pitso-Ground, moo a ileng a fumana lepolesa le chahisitseng koloi ea hae le le teng, le ha le joalo, o ile a qetella a tlohile moo hobane a sa sebeletsoe, ke ha a tla tla Moafrika.