Beng ka mofu ba kena sepetlele kamor’a ho hlajoa ka lintho tse bohale, Maseru

Batho ba bararo ba ile ba potlakisetsoa sepetlele Queen ’Mamohato Memorial, ka mor’a hore ba hlajoe ka lintho tse bohale setšeng sa Ha-Lion, ke sechaba se neng se jele masooko sa Motimposo Ha-Majara Theko, Maseru, ka Labohlano lena.

Monghali Thapelo Morakabi, o re sena se latela, hore ho potisoe setopo sa nkhono oa hae sebakeng seo, ea e-ba moo qhaqhang-qhang e ileng ea hlaha teng sechaba sa fethetsa koloi ea mofu ka majoe e bileng ea hlekeha sebakeng se kotsi, ea mo isa Qopo Ha-Lefeko, Berea.

O re ho ile ha tsebisoa mapolesa a Ha-Mabote a ileng a re ha a na koloi, ka baka leo ba hloloa ho fumana thuso.Mofu ea sitiloeng ho potisoa ha hae ha a tsoa ’moshareng ke ’Mamotlakase Morakabi, ea lokelang ho bolokoa ka Labotšelela lena