Bats’ehetsi ba MoAfrika ba phathahanetse mokete o tla ba Qoatsaneng

Batšehetsi ba Moafrika ba phathahane sa thokolosi ea Lesobeng, ke mokete oo esale o leteloa, oa Lipapali, o kopantseng le oa Teboho o simollotseng ka Labohlano lena, o tla qhoba ho ea likela ka Sontaha.

Mokete ona o qaliloe ka papali ea Nthufe Qoatsaneng setšeng sa Moafrika, ha bolo ea maoto,e bapalletsoe lebaleng la sekolo se phahameng sa ’Mabathoana ke lihlopha tse tharo.

Ho feta mona, ka Labotšelela, ho tla bapaloa lipapali tse fapakaneng tse tla be li kenyeletsa mokhibo, ndlamo, lesiba le tšoantšiso, ha ka Sontaha ho tla tsanyaola lihlopha tsa ’mino oa boKreste, oa k’horiana le oa lipolotiki, ho phethela mokete oa ho qetela lethathamong la mekete ea Moafrika FM, selemong sena.