Moshanyana o siea a ngoletse lelapa molaetse, ho nyameleng ha hae

Moahi oa Masowe one, Ha-Thato Matsoso, Maseru, o re o patlong ea moshanyana oa hae, ea nyametseng ka Labobeli lena, ea siileng a ngotse lengolo, le reng o se a ile, o imetsoe ho feta batho ba bang.

Monghali Tsie Moiloa, o re sena se latela hore lelapa le fumane lengolo la mohlankana eo ha e mong oa bara ba hae, le bolelang hore ho eo phuthoa thepa ea ntlo moo a hirileng teng, e isoe hae.

O re lelapa le fetse la e lata,’me eo, ha ho le monyenyetsi o ka lebisang ho fumanoeng ha hae, ke ka hoo, le emang holim’a qhooa ena ho mo batlisoa.

Mabitso a hae ke Motsamai Mokhobatau, o motšo ka lebala, o mahlo le litsebe tse tsoileng, o mahareng ka seemo le ka ’mele, ’me ha ho tsejoe na o nyametse a apere joang.