Mosali le ba lelapa ba baleha lehae ka lebaka la mokhoenyana, Mafeteng

Moahi oa Matelile Ha-Sehlabo, Mafeteng, o re eena le ba lelapa la hae, ba balehile lehae, ka mor’a hore mokhoenyana oa hae oa lesole a mo chesetse mamati a ntlo khoeling e fetileng, empa ha morao a utloela hore eo o mapoleseng,’me litšoso ke tsa metsoalle ea hae.

’Manthabiseng Seutloali o re sena se latela hore bosiung ba ha khoeli ea Loetse e ne e hlola matsatsi a mashome a mabeli, ho fihle motho ea ileng a nyanyatsa peterole monyako, a ba a hotetsa mollo, ha tuka. 

O re itse ha ba bona khanare eo, ba potlakela ho tima, ’me ha boe-sa, ba fumana tsoibila e reng moetsi oa ketso o bone hore ha b’a shoa, ’me ha a khutla, o tla etsa ntho e felang, ke ha ba tla itlheka sebakeng seo.

O re ka tsoibila eo, ba tsebile hore ke ea mokhoenyana oa hae ea neng a batla mosali oa hae ka khang, ea mo balehileng ka litaba tsa bona, empa a sa thabele hore li sebetsoe.

Leha ho le joalo, litaba tsena li tlalehiloe bolaoling ba Sesole sa Lesotho, bo tiiselitseng Lehakoe la Litaba hore monna eo o bile matsohong a sepolesa sa Matelile, malebana le litaba tseo.