Maqhekoana a mabeli a chelloa ke matlo, Mohalesuku

Maqhekoana a mabeli a Masemouse Ha Kaphe, Mohalesuku, a tlalehoa ke ramotse oa teng, a cheletsoe ke matlo, le hoja a ile a pholoha le thepa ea oona, ka Labobeli la beke ena.

Morena ’Mapalesa Kaphe o re matlo ao ka bobeli a chele bosiu,’me le leng la maqhekoana le ile la tsosoa ke ba ileng ba bona mollo, thepa ea lona ea pholosoa, ha le leng le itse le utloile eka pula e ea na, eare ha le phahamisa hlooho la bona ho tuka, la tsoa ka tlung.