Chaena e keteka lilemo tse 70 tsa boipuso ka katleho e kholo

Chaena, ka Labobeli la beke ena, e ketekile lilemo tse mashome a supileng tsa boipuso le katleho e kholo moruong oa eona ka pontšo ea matla a eona a sesole, motse-moholo Beijing.

Ka lilemo tsena tse mashome a supileng, china e hlalosoa e fihletse boemo ba ho ba naha e kholo ka ho fetisisa tšebetsong ea tlhahiso le khoebisano lefatšeng,’me ka lilemo tse supileng tse fetileng e nyolohetse boemong ba bobeli moruong oa lefatše.

Katleho ena e tsoaloa ke hore naha eo, e sa le e busoa ke mokha o le mong, Communist Party ea China o kopantseng boinahano ba Marxist-Leninist le mokhoa oa Sechaena oa ho etsa lintho.

Katleho ena ha e boleloe ka molomo feela, lipalo-palo li supa hore ka lilemo tse supileng tse fetileng, China e file baahi ba eona ba limilone tse mashome a robeli mesebetsi e mecha, e phelisang. Ea ba ea monyela liofisiri tse makholo a mane le mashome a mane tse bolileng, mafapheng a fapakaneng a bosebeletsi ba sechaba.

Litho tsa mokha oo, li laetsoe ke moetellipele oa mokha, e leng president ea China ho fetoha mehlala e phelang ea se labala-beloang ke mokha oa bona, pusong le ntlafatsong ea bophelo ba sechaba.

Ka Senyesemane, mobusi oa China o sebelisa lipolelo tse latelang ho khothatsa sechaba sa habo:- “Do concrete work and take the lead”.“A state thrives on practical work but wanes on empty talk”. “Grab the iron bar hard enough to leave the mark on it”.