Thabo Ramatla o lokolloa ka beile ea makholo a mahlano

Monghli Thabo Ramatla mohoebi oa Mafeteng ea tsebahalang ka lebitso la Mahapu, ea qosoang ka ’momori oa ho bolaea benghali Selibe Mochoboroane le e mong Jimmy Ramakoalibane, o lokollotsoe ka beile ea maloti a makholo a mahlano ke moahloli oa Lekhotla le phahameng la Lesotho, Keketso Moahloli J, ka Laboraro lena.

Moqosouoa ea ileng a romelloa chankaneng ea Mohalesuku ke ’maseterata oa Mafeteng ka Labobeli la beke eona ena, o hlalosoa ke ba mo tsebang, ho tsoa ha hae litlamong moo, ho tla tsoela ba neng ba neng ba kopanetse setokisi le eena molemo oa ho sala le lijo tsa hae tse monate, tse akhang litholoana. O hlalosoa e le motho ea isetsoang lijo tse ngata, tse mathemaloli ke lelapa ha a le litlamong.

Le hoja a bile a qosoa ka ’momori oa ho bolaea moetellipele oa Sethala sa Moruo (MEC), e ntse e le setho sa paramente sa mokha oona oo, le hoja mokha o behelletse botho ba hae ka thoko.