Fako Likoti o kulupanya ’muso ka nyeoe

Prime-Ministers-Political-Advisor-Dr.-Fako-Likoti..jpg

Lekhotla la molao oa motheo, ka Laboraro lena, le ahloletse Dr Fako Johnson Likoti nyeoeng eo a neng a tseka litsiane tsa hae tsa ho ba moeletsi oa Tona-kholo ea mehleng, Dr. Pakalitha Mosisili.

Lekhotla le neng le bopiloe ka baahloli ba bararo le totobalitse khethollo tabeng ea ho se lefshoe ha litsiane tseo, la ba la re ke khatikelo ea litokelo tsa mantlha tsa botho, e nkhang letsuka la lipolotiki, tseo le itseng li ne li tobisitsoe ho mong’a hae oa mehleng.

Kahlolo ea baahloli Lisebo Chaka-Makhooane, Molefi Makara le Keketso Moahloli e nkileng lihora tse peli, ho baloa, e laetse babusi ba Lesotho ho sebetsa ba ipapisitse le molao, ba nene ho khetholla bahlanka ba ’muso, le mafapheng a fapakaneng a bosebetsi.

– Relebohile Lengau