Monna o re lepolesa le mo lemalitse ka ho mo thunya

Monna oa Quthing Mount Moorosi o re sepolesa sa setereke seo se hana ho mo sebeletsa ka le leng la oona le mo thuntseng ka Phuptjane ea ngoahola.

Thabelo Matlotlo ea lilemo li mashome a mararo, o re sepolesa se lutse holimo nyeoe ea ho thunngoa ha hae ke lepolesa sa Mount Moorosi, a ne a ntse a tsamaea le motsoall’ae ba tsoa boithabisong Ha Sekhonyana.

Matlotlo o re motsoalle oa hae o ile a qoaketsana le lona, eare ha ba le tseleng a utloa molumo oa sethunya, ea ba motsoalle eena o khola phalo, eena a hloloa ho baleha kaha kulo e ne e mo robile leoto.O re ho fihlela lena o ntse a e-so fumane thuso.