Moifo oa MoAfrika o keteka Bo-sechaba le Basotho ba Afrika-Boroa

Moifo oa Moafrika o etelletsoeng pele ke Mohlomphehi Mohlophisi e Moholo, o bopiloeng ka lihlopha tse robeli tsa libini, o  ile oa keteka moketeng oa bo-sechaba le Basotho ba Afrika-Boroa.

Motlotlehi Rabasotho Letsie la Boraro o bile teng, ’me o hlalositse ha e le lekhetlo la hae la pele a e-ba teng moketeng oo, kaha lilemong tsa ho feta o ne a emeloa ke rangoane oa hae, morena Masupha kapa morena oa Likhoele ka ho fapakana ha lilemo tsa mokete.

O khothallelitse Basotho bao ba Afrika Boroa ho ikopanya le ba ka Lesotho ntlafatsong ea kholiso ea moruo oa Lesotho le ho tumisa Bosotho har’a lichaba tse ling.

Bohlokoa ba mokete ona ho Moafrika, ke ho tlaboloa ha selekane sa eona le mokhatlo oa Basebetsi o bitsoang Lehae la Basotho tlasa boetellipele ba ntate Majorobela Masakale.

Mohlomphehi Mohlophisi e moholo o bile a fana ka folakha ea Moafrika ho monghali Masakale, ’me e se e tla ea fokaela ntlo-kholo ea Lehae la Basotho Trade Union.