Litonki li liheloa selomong ke batho ba sa tsejoeng

Monna oa Libibing Namoha Ha-Chapete Letsie, Mokhotlong, o re litonki tsa hae tse peli, li shoele ka mor’a hore li liheloe lomong-sa-Molete ke motho ea sa tsejoeng, ka Laboraro le fetileng.

Monghali Lenka Lenka o re litonki li ntšitsoe ka lesakeng la tsona tsa qhobeloa selomong seo, ’me li bile tsa buheloa hona moo, joale o re o tsietsoe hore na sena se bolela eng.