Likhomo li amohuoa banna ba babeli ke balebeli ba Molaoli oa Sesole

Likhomo tse robeli li ile tsa amohuoa banna ba babeli ba neng ba ntse ba li qhoba ke balebeli ba Molaoli oa Sesole, nakong ee li neng feta haufi le ha hae hoseng ha Labohlano lena, ho rialo Lt. Kelebone Mothibi.

O re sena se latela hore balebeli, ba utloe liqi tsee ba neng ba sa tsebe hore na ke tsa eng, ha ba hlaha kantle ho jarete ba bona likhomo tseo, ’me ba neng ba li khanna ba tšola tlhako morong.

Boemong boo, Lt. Mothibi o ile a hlabela sepolesa mokhosi oa hore se li late motseng oo, lenaneong la Hlahisa Maikutlo ho Moro-khotla-Ha-o-okoloe-Mafura, ka letsatsi le seng le boletsoe, ’me se ile sa li lata, sa li boloka Motebong oa sekolo sa koetliso ea Sepolesa, Maseru.