Lelapa la Motloli le patlong ea setho sa lona

Lelapa la Motloli le phelang Libibing, Mokhotlong, le re le nyarositsoe ke ho nyamela ha setho sa lona ka ’Mesa oa monongoaha, se le mosebetsing Maseru.

Ea buileng lebitsong la lelapa,’Mataelo Motloli, o re mora oa hae Tšele Motloli, o ne a ile a tloha Mokhotlong a fumane mosebetsi khoebong ea bolebeli e Roma.

Motloli o re lelapa, ka Phuptjane le fumane mohala o le tsebisang ka bokuli ba mora oa lona, empa la hloloa ho hokahana le ea neng a letsitse kaha mohala o ne o sa fumanehe.

Tšele Motloli o hlalosoa e le monna ea lilemo li mashome a mabeli a metso e mene, o motšo ka lebala, o na le mongoapo tlasa leihlo, o mokhutšoanyane, o mosesanyane.Motho ea ka tsebang ka eena a letsetse 57512945.