Monna o thusoa ke Moafrika ho fumana ba habo mofu

Moahi oa Semphethenyane, Mamenoaneng Ha-Joo, Maseru, o re o leboha Moafrika Fm, ka mor’a ho mo fumanela ba habo leqhekoana le ileng la timella ha hae ka Labohlano le fetileng.

Monghali Sebakeng Qobete, o re sena se latela hore a hloe qhooeng ena ho kopa ba habo leqhekoana ho itlhahisa, hoba bao a ileng a lekanya hore ke ba habo lona, ba ile ba itatola.

O re bao e leng ba habo lona, ba ile ba iponahatsa ka Moqebelo o fetileng, ’me ka Lapele lena ba lokela ho ea fetola mabitso a neng a ile a ngoloa ’moshareng ha ho ne ho amoheloa setopo.