Lihlaba tsohle tsa Lesotho li aparetsoe ke lehloa

D-Zczk1XoAINriS.jpeg

Lihlaba tsa Lesotho li tlalehoa li se li apere bosoeu ba lehloa la pele la mariha a selemo sena.Ho se ho e-na le litlaleho tsa makoloi a seng a qahiloe har’a lona a akhang Lori e kholohali ea mafura tseleng e lipakeng tsa Maseru le Semonkong.

Ha ’muso oa Lesotho, ka mokhoa oa oona o se o qalelletse ho eletsa sechaba hore se emise maeto ho fihlella lehloa le qhibilihile, khoebo ea thelelisane, Mahlasela, eona e ntse e thaotha sechaba hore se tlo bapala lehloeng.

Bothata ba Lesotho ke ho se tsotelle mebila e tsamaeang ka har’a matsaranka-tsaranka a Maloti a naha ena, hoo lehloa le fetohang koluoa ha ka nepo e le tlhohonolofatso khoebong le temong ea mariha.