Bookameli ba LCA bo re MOAFRIKA e sebelise puo e hloekileng

cropped-id

Lesotho Communications Authority, e leng lekhotla la taolo ea khaso la Lesotho, le re MOAFRIKA FM e tlohele ho sebelisa mantsoe a hlohlontšang litsebe tsa bana le tsa batho ba bang ba baholo, mananeong a eona.

Ho le joalo, phutheho e bile ea fela ho sa hlaka hore na mantsoe a sa hlohlontšeng litsebe ke afe, ka ha lentsoe lee e neng e le khalemelloa, le bonahala e le lona feela puong ea Sesotho sa makhotleng a boahloli, le kahar’a bibele ea Sesotho. Lona ke marete.

Ntle le moo, bookameli bo lumellane le MOAFRIKA hore e tle le litokomane tsa lenane-thuto la moraorao, le reng bana ba hlalose mantsoe a litho tsa botona le botšehali ba motho ka puo ea habo, haholo-holo likarabo tse lebelletsoeng ho bana.

Ho le joalo, bookameli ba MOAFRIKA bo tšepisitsoe khatiso ea se seng sa liealemoea tsa naha ena, moo letonanyana le neng le sebelise lentsoe leno, le bile le re motho e moholo ka lilemo, ea kileng a tšoara boemohali pusong, o morao joalo ke marete a fariki, e le hore LCA e tle e be bopaki bo supang hore tšebeliso ea lentsoe leno, e se e ’nile ea sebelisoa moeeng ke letonanyana, ha se ke ha thoe letho.