Baoki ba behela bakuli nako ea ts’ebetso, Leribe

Mok’hanselara oa Malibamatšo Ha-Manti, Leribe, o re bakuli ba tikoloho eo ba tsietsing ea ho fumana litšebeletso setsing sa bophelo sa Lejone, hobane ha ho otlile hora ea leshome le motso o le mong hoseng, ha ba sebeletsoe.

Monghali Thuso ’Moso, o re taba ena e ne e etsahale khoeling ea bobeli ea selemo sena, ea emisa, empa ea ipheta ho ea bohlano, ’me bosebeletsi ba setsi, bo se bo lomme bebebe hore ha bo cheche tabeng ea nako eo ea bona.

O re le ha ho le joalo, k’hansele ea habo e se e ntse itokisetsa ho ikopanaya le ba ikarabelang ho lokisa maemo a renang setsing seo, etsoe a sa jese li-theohelang, etsoe ba angoang ke boemo bona ka kotloho ke bakuli.