Thabane o leleka Mahao, Rapapa, Hlaele le Doti Kobotateng

Prime-Minister-Tom-Thabane

Tonakholo ea Lesotho, ka boemo ba eona e le moetellipele oa ABC Kobotata, e lelekile benghali Nqosa Mahao, Sam Rapapa, Lebohang Hlaele le ’Matebatso Doti lekhotleng leo le etelletseng-pele puso ea Lesotho ka selekane sa Lephele. Tsena e li buile ka Lapele la beke ena, pejana ho hora ea pele.

A eme mapetlelong a ntlokholo ea Kobotata Maseru, e neng e notletsoe ka mpone ke ile, Dr Motsoahae Thabane o lokolisitse mabaka a mangata a mo khannetseng qetong eo, a re o ipapisa le molaoana oa motheo oa ABC Kobotata.

Har’a lintlha tsee a li lokolisitseng ke hore, benghali bao, ba ’nile ba tšoara liboka tse potolohang le mabatooa khahlanong le taelo ea komiti e kholo e neng e ipapisitse le taelo ea lekhotla le phahameng.

Hape, o itse ba se ba entse liphatlalatso tse reng, komiti e kholo e ile ea kopana, kamor’a kahlolo ea lekhotla la Maipiletso, ’me e entse liqeto tse kenyelletsang ho behella litho tse ling ka thoko ho lekhotla. O itse ha ho e-s’o be le kopano ea lekhotla ka ha e keke ea e-ba teng ntle le tsebo le tumello ea hae, ho ea ka molao oa bona.

O bile a re bona batho bao, ba kene ka ofising ka mokhoa oa ho pshatla e leng tlolo ea molao. A re lekhotla la bona ha se la litsotsi le linokoane. RK.