Likatana li kakalatsa Malumara ka nyeoe

Nqosa Mahao - ABC

Likatana tsa kobotata li hlotse malumara a eona ka nyeoe, moo ho neng ho tsekoa sephetho sa likhetho tsa komiti e kholo ea mokha o busang, se bileng Maseru khoeling ea bobeli ea selemo sena.

Sena, ntle le ha ho ka ba le tlhaloso e ’ngoe, se bolela hore komiti ea pele ho seboka seo ea ABC-Kobotata e lokela ho nehelana ka marapo ho e ncha.

Makobotata a neng a ile lekhotleng ho ea mamela kahlolo ea nyeoe e neng e ile ea mameloa ke baahloli ba bararo, e leng Thami Noncongo, Sakoane Peter Sakoane le Alexis Mokhesi a tsoile ka lekhotleng a bina sefela se reng: “Le satane ke mo hlotse, matla a hae a felile”.

Lehakoe la litaba ha le e-s’o fumane maikutlo a litho tse hlotseng le tse hlotsoeng ke nyeoe tsa komiti e kholo ea Tse-Ts’ehla tsa Thabane. RK.