Seboka se kopantseng basali se ts’oaretsoe Vancouver, Canada

D8MgFxHUYAEtkfN.jpeg

Seboka se kopantseng basali, mebuso le mekhatlo e ithukhubelitseng ntlafatsong ea batho le basali ba linaha tse fapakaneng, se ts’oaretsoeng Vancouver, Canada se ile sa buloa ke tonakholo ea naha eo, Mohlophehi Justine Trudeau, ka Lapele la beke ena.

Ka mora ho buloa ha seboka se ‘muso, ho bile le puo e khutśoanyane ka litho tsa makala a fapakaneng a se atlehisitseng, ho kenyeletsa President ea Ghana le Kenya, benghali Nana Akufo-Addo le Uhuru Kenyatta.

Afrika e emetsoe ke linaha tse ‘maloa , ho balelloa le Lesotho. Lepelabasali ba Lesotho le emetsoe ke Dr Pontso Sekatle, MP.

Bahlophisi ba sona ba ile ba se manollela bafuputsi ba litaba, pele tonakholo e la se bula se ‘muso. Vancouver e bopherima ba naha ea Canada, ho buoa lipuo tse peli e leng Senyesemane le Sefora.

Boholo ba batho ba phelang sebakeng sena ke ma Korea le ma India, ha ma Afrika ona a fokola haholo. Pusianong le moemeli oa Lehakoe la Litaba, Canada, moahi oa India, Sunny Tura o bontśitse hore menyetla ea thuto le mesebetsi e mengata ke hona ba tlang teng ka bongata.

MOKHOLOANE RAMAINOANE O NTSE A BEHILE LITABA TSENA LEIHLO.