Makholokoe a keteka ho ja Mokopu Nquthu KZN

Sechaba sa Makholokoe se bile moketeng oa sona o moholo oa ho ja mokopu, moo lekhetlo la pele se etetsoeng ke Motlotlehi Mzilikazi oa bobeli oa Zimbabwe.

Marena a teng a Makholokoe a tsoa Khutlong sa Oetsi le Lesotho. Khosi e kholo ea Makholokoe lefatšeng lohle, Paolosi Moloi, ke eena ea neng a okametse mosebetsi ona, le hoja mokete o ne o tšoaretsoe mobung oa khosi Lehlohonolo Moloi oa hona Nquthu moo.

Sepheo sa mokete se hlalositsoe e le ho holisa tsebano le kutloano har’a Makholokoe, empa oa monongoaha o bile o nkile sebopheho sa bana ba Khosi Tabane ka mosali oa hae oa bobeli, mofumahali ’Mathulare, le Bapeli, Makholokoe, Maphuthing, Batlokoa le Basia.Lipuo li entsoe ka Sesotho le Sizulu li sa tolokoe.