Sesoaeli se thunyetsoa lefu, Ha Seleso

E mong oa bathehi ba mokhatlo oa lipalami tsa libaesekele Lithoteng, ebile a kile a emela naha mejaong e mengata, o ile a hlaseloa ke boralithunya Ha-Seleso, Maseru , khoebong ea hae, a ba a timela, bekeng e fetileng.

Mookameli oa mokhatlo monghali Lebohang Tlouoe, o re ho timela ha Thapelo Chaole ke tahlehelo e kholo ka har’a Sehlopha, ’me mohl’a sehopotso sa bophelo ba hae, ba tla ke ba soaele libaesekele tsa bona e le ho mo hopola.

Ho sa le joalo, phala ea mokhatlo oa papali ea Chess Lesotho, monghali Khiba Selatela, ba phethetse lipapali tsa likolo le tsa basali papaling ena, moo sekolo se phahameng sa Methodist e leng ’mampoli, ha mohloli basaling e le se phahameng sa Masowe.

Khiba o bile a re morupeli oa papali ena sekolong sa St. Stephen’s, Michael Fullbright, o filoe khau ea ho hlahisa libapali, ’me sena ke selemo sa bo-mashome a mane a etsa mosebetsi oo.