Lihoai li kokomalla chelete ea boea ba likhuts’oane tsa bona Moakhotlong

Moahi oa Libibing1 Ha-Abia Khoeli, Mokhotlong, o re borankulikae ba setereke seo, ba neng ba khobokane ka bongata bo boholo bankeng, ka Laboraro lena,ho ea lata chelete ea boea ba likhutšoane tsa bona, ba qhaluoe, ’me ba khethetsoe matsatsi a ho boela hape.

E mong oa bona monghali Tlohang Mokone, o re sena se latela hore motlakase o time hoja ba ne ba lebeletse ho fuoa lichelete tsa bona, ’me ha lokisetsoa hore jenereithara e tle e kene tšebetsong ho ntšetsa mosebetsi pele oa ho lefa lihoai.

O re sechaba se ne se le sengata haholo papisong le sa matsatsi a fetileng, ’me ka Laboraro lena, esale se emela litšebeletso tse neng li bonahala li le monyebe, ebile ho bohloko tabeng tsena, ke maphako a ubang ao beng ba oona ba sa tsebeng hore ba tla a koala joang.

Ho sa le joalo, se seng sa lihoai sa sekiri sa Meno ho na Mokhotlong, se re se mpa se sa utloisise mabaka a hore lihloai li e’o kokomalla chelete libankeng, empa li ile tsa batloa linomoro tsa lipolokelo tsa tsona, ’me li hloloa ho botsa bakholise hobane ba li jajabetsa ka bohale ha ba li lumelle ho ba botsa