Khotsang o ts’elisa lihoai tsa habo le hoja a ne a ile a li lemosa kotsi e li tlelang, Mokhotlong

IMG_20181021_215117_215.jpg

Ha litaba li le boemong bona, rankulikae oa Mokhotlong, monghali Khotsang Moshoeshoe, o re sena se etsahallang lihoai se bohloko haholo le hoja a ile a ema ka matsatsi ohle ho li eletsa ka kotsi e fuperoeng ke ’muso ka boea ba likhutšoane tsa bona.

O re le ha ho se ho etsahetse tsena tsohle tse bolutu, borankulikae ba lokela ho inahana bocha, ba eme ka thata ho loanela litokelo tsa bona, etsoe leihlo le sa fahloe habeli, hoba ba se ba latsoitse litholoana tse bohla ka boea ba bona.