Bohlasoa bo haufi bo bakela baits’okoli bokulo, Maputsoe

Bohlasoa bo haufi le libaka tse sebeletsang baitšokoli tikolohong ea Maputsoe Leribe, bo bakile hore ho be le motho kapa batho ba nkileng monyetla oa ho lahlela ntja e shoeleng holim’a bona, e bileng ea bolla moo.

Ea buileng lebitsong la baitšokoli monghali Tšepang Ramone, o re tebello e ne e le hore ha ntja e shoele, beng ba eona ba ne ba lokela ho e tsetela, e seng e lahleloe  moo batho ba leng teng, e le ho qoba lipeo tsa mafu.

Leha ho le joalo, o re ba hloa qhooeng ena ho kopa thuso ho ba ikarabelang ho phutha bohlasoa bo ka har’a toropo hoba bo se bo e lahlisitse tlhompheho ea eona, hoo ho seng ho lahleloa tse sa hlokahaleng, holim’a bona.