O litlamong tsa sepolesa ka pelaello ea bosholu, Maputsoe

Monna oa Hleoheng Ha-Ralikuku, Leribe, o litlamong tsa sepolesa sa Maputsoe, ka pelaello ea bosholu ba likhomo tsa motse oo, tse ileng tsa utsuoa ka Labohlano la beke e fetileng, ’me mohlala oa lebisa ho eena.

Mofuputsi oa litaba tsena, monghali Sepeka Makoae, o re o ile a bona baahi ba motse o seng o boletsoe ba hloele setha monna ee ba mo belaellang bosholung, ’me ba batla eo, a e’o ba bontša moo likhomo tseo li leng hona teng.

O re monna o ile a ba bolella hore li Ficksburg Afrika-Boroa, eare ba sa le tseleng e lebang teng, mapolesa a fihla a mo nka matsohong a bona a ea ka eena, ’me ho utloahala ha banna ba bang ba sebetsang le eena ba babeli, ba balehetse Ha-’Makhoroana, Berea