Moetellipele oa Kobotata o ema le Ntsekele nyeoeng

Lekhotla le Phahameng, le amohetse bopaki bo hlapanyelitsoeng ba Moetellipele oa Kobotata, moo a emang le mongoli e moholo oa mokha oo ka Labobeli lena.

Dr. Motsoahae Thabane, o ngotse malebana le nyeoe e qosang akhente Khotso Nthontho le litho tsa komiti e kholo ea ABC.

O re ho a fosahala hore akhente Nthontho e ipitse ’muelli oa molao oa ABC, linyeoeng tse peli tse lokelang ho mameloa ke lekhotla la Maipiletso, ka Labohlano la beke ena.

O re ha ho mohla komiti e kholo ea mokha e kileng ea lula ea ba ea thonya akhente Nthontho ho e emela linyeoe tsena. Nyeoe ena e tla mameloa ka Labohlano la beke ena.