Makase a maiketsetso le bafu ba teng, a fumanoa ho le leng la mabitla Ha-Tseka

Moahi oa Ha-Tseka, Maseru, o re ho fumanoa ha makase a maiketsetso a tšoantšisitseng ngoana le mosali, ba bopiloeng ka letsopa ho le leng la mabitla a lelapa la bo ka Labobeli la beke ena, ho mo tšositse haholo hobane ha a tsebe se boleloang ke hona.

’Matšotetsi Sepepane, o re sena se hlahella ka mor’a hore ho be le monna ea neng a batliloe ke lelapa ho bokelleletsa mabitla a batsoali ba hae lenyalong le la monna oa hae majoe, ka sepheo sa ho a lokisa, eare ha a ntse a tsoela-pele ka tšebetso, a kopana le tse seng li boletsoe.

O re tokiso ea mabitla ao a habo, e ne e tlo lateloa ke ho behoa majoe ao ha ho se ho qetiloe, ho nt’o etsoa mosebetsi oa hore a tle a buloe khoeling ea bosupa ea selemo sena, empa ka baka la boemo bona, o se a lokela ho khutlela morao ho ea itlhopha joalo ka ngoan’a Mosotho.