Mosali o longoa phatla ke monna ea neng a ile joaleng ha hae, Mohalesuku

Mosali oa Ha-Sechele, Mohalesuku, o ile a longoa phatla ke monna ea lulang motseng oo ha e mong oa baamani le eena, ka mor’a ho tšela mong’a ntlo eo a neng a le ka ho eona ka joala, ha a qeta a tsoa ka tlung eo, a ema kantle, ka Sontaha se fetileng.

Ea faneng ka litaba tsena, o re ka mor’a moo, mong’a ntlo o ile a atamela monna ho utloa mabaka a seo, a seke a arabela, a mo nanabela ka molala, a ba a mo sheqola phatleng, a nt’o baleha.

O re batho ba neng ba le sebakeng seo, ba ile ba mo lelekisa, empa a tsoapela ka matlo, ba hloloa ho mo tšoara,’me ka Lapele la beke ena, lehlatsipa le ile la ea tlalehela morena ea mo fetiselitseng sepoleseng.