Lipapali

Phala ea Econet Premier League Monghali Moeketsi Ramakatsa, e bua lenaneong la Lipapali ho Moafrika Fm, ka Lapele la beke ena e re moifo oa habo eona o ile oa tsoa ka makhalo ho beha Lipapali tsohle tse phethelang liki leihlo, tsee Matlama FC, e leng ’mampoli oa eona.

Ho sa le joalo, sehlopha sa Majantja FC le sa Galaxy li rathiloe ke selepe, ’me li se li tla bapala liking ea A division selemong se tlang sa lipapali.

Hona lipapaling, mokoetlisi oa Sehlopha sa naha sa basali Mehalalitoe, Lire Phiri, o re se bapetse ka ho lekana lipapaling tsa setsoalle le sa Ezwatini mafelong a beke e fetileng.

Mokoetlisi oa ba lilemo tse ka tlase ho mashome a mabeli sa basali ba Likhosatsana, Monaheng Montšo, o re Lipapali tsena ebile tsa boitlhopho bo botle.

Ho sa le joalo mokhatlo o tsamaisang libaesekele Lesotho o bile kopanong ea selemo, moo ho fihletsoeng qeto ea hore mahlakore ka bobeli, kaha ho hlokomelehile hore komiti e likarolo li peli, a boele morao ho ea buisana hore a sebetsa hammoho joang ho isa papali pele, botenng ba litho tse ’ne tse hloailoeng phuthehong, ’me e be ka har’a matsatsi a mashome a mabeli a motso o mong.